صوتين فقط ف البرلمان قالوها بصراحة: هاد الحكومة فاشلة وخصها تمشي

صوتين فقط داخل البرلمان هما اللي قالوها بكل صراحة: هذه الحكومة فاشلة وخصها تمشي. فمرحلة اللي فيها بزاف ديال الأحزاب اختارت الصمت أو المجاملة، بقى حزب التقدم والاشتراكية وحزب العدالة والتنمية هما الوحيدين اللي خرجو للعلن وصرحو بالحقيقة كما هي، بلا التواء ولا حسابات ضيقة.

أربع سنوات من حكومة أخنوش كانت كافية باش تولّي المعيشة أصعب. الأسعار ارتفعت بشكل مهول، فرص الشغل نقصات، والوضع الصحي والتعليمي تراجع بشكل خطير. المواطن المغربي اليوم كيعاني من غلاء المعيشة، ضعف الخدمات الأساسية، وتوسع رقعة الفساد، في وقت اللي فيه الصمت الرسمي كيزيد الوضع تعقيداً.

النداء اليوم ما كيمشيش فاتجاه التصويت على حزب معيّن، ولكن فاتجاه التصويت ضد الخراب اللي وصلات ليه البلاد. لأن السكوت على هذا الواقع هو مشاركة صامتة في استمراره، وهو دعم غير مباشر لسياسات أثبتت فشلها خلال السنوات الماضية.

المطلوب من كل مغربي هو أن يستعمل صوته كأداة للتغيير، باش ما يتعاودش نفس السيناريو خمس سنين أخرى. الانتخابات ماشي مجرد إجراء إداري، ولكن فرصة لإعادة التوازن واسترجاع الكرامة والأمل فمستقبل أفضل.

الرسالة بسيطة: صوتك هو سلاحك… استعمله. صوت على التغيير، على الكرامة، على الأمل. وشارك هذه الدعوة مع كل مغربي كيشعر بالحكرة وبأن الوضع ما بقا كيتحملش.